EcoHealth është një fushë kërkimore, edukimi dhe praktike që miraton qasje sistematike për të promovuar shëndetin e njerëzve, kafshëve dhe ekosistemeve në kontekstin e ndërveprimeve sociale dhe ekologjike. Shëndeti shihet si ndërthurje e mirëqenies sociale, mendore, shpirtërore, fizike dhe jo thjesht mungesë e një sëmundje. Si një tkurrje e "qasjeve të ekosistemit ndaj shëndetit", EcoHealth thekson filozofinë njerëzore dhe të menduarit sistematik për të promovuar mirëqenien dhe cilësinë e jetës. Si një fushë kërkimore, studimi i EcoHealth mbështetet në shkencat natyrore, shkencat shëndetësore, shkencat sociale, shkencat humane dhe më gjerë, shpesh duke punuar në bashkëpunim me palët e interesuara dhe anëtarët e komunitetit për të adresuar çështje të shëndetit, ekosistemeve dhe shoqërisë.

Ne jetojmë në një botë me kushte të ndryshme kulturore-politike dhe me shumë ndryshime sociale, duke përfshirë rritjen e popullsisë, urbanizimin, rritjen dhe zhvillimin ekonomik si dhe atë teknologjik. Si rezultat, ne shohim ndryshime ekologjike dhe të mjedisit në formën e ndryshimeve globale dhe atmosferike, ndotjes dhe ekotoksicitetit, varfërimit të burimeve dhe humbjes së habitatit, specieve dhe biodiversitetit. Kushtet dhe ndryshimet sociale, ekologjike, mjedisore, kulturore dhe politike ndikojnë në shëndetin dhe mirëqenien e njerëzve, kafshëve dhe mjedisit, duke përforcuar idenë se problemet shëndetësore janë të shumëanshme. Megjithatë, përpjekjet për të trajtuar këto sfida kanë pasur një focus të ngushtë deri më sot. Theksimi i një ose disa prej kushteve dhe ndryshimeve sociale, ekologjike, mjedisore kulturore dhe politike, shpesh krijon një ndarje tek çështjet shëndetësore.

EcoHealth është një fushë në zhvillim dhe përpjekje për shëndetin publik që të përpiqet të kapërcejë ndarjen e çështjeve shëndetësore duke tërhequr studiues dhe praktikues nga disiplina të ndryshme dhe duke theksuar rëndësinë e integrimit ndërmjet tyre në adresimin e çështjeve shëndetësore. Në mënyrë të veçantë, fusha e EcoHealth synon; “të studiojë ndryshimet në mjediset biologjike, fizike, sociale dhe ekonomike” dhe “të përmirësojë shëndetin dhe mirëqenien e njerëzve, kafshëve dhe mjedisit”. Në ndjekje të kësaj, EcoHealth mbështetet në transdisiplinaritet, pjesëmarrje dhe barazi, të cilat janë tre shtyllat metodologjike origjinale të përshkruara nga Lebel në 2004. Zbatimi i shtyllave të tilla dhe përdorimi i parë madhor i termit "EcoHealth" ishte në vitin 2006, në Konferencën e parë dyvjeçare të Shoqatës Ndërkombëtare të EcoHealth. Shëndeti dhe mirëqenia e njeriut ndikohen nga faktorë të shumtë, shumë prej të cilëve janë të grupuar nën përcaktues të ndryshëm të shëndetit si:

përcaktuesit social të shëndetit, 
përcaktuesit ekologjikë të shëndetit, 
përcaktuesit mjedisorë të shëndetit,
përcaktuesit politik e shëndetit,
përcaktuesit kulturorë të shëndetit. 

Brenda secilës prej këtyre kategorive, grupe të ndryshme treguesish përcaktues janë përshkruar për të përmirësuar pabarazinë shëndetësore, si dhe shëndetin dhe mirëqenien e popullsisë.

Llojet e ndryshme të përcaktuesve të shëndetit dhe veçanërisht marrëdhëniet e ndërsjella ndërmjet tyre diktojnë shëndetin individual dhe të popullatës, prandaj përpjekjet për të lidhur përcaktuesit e shëndetit shihen si të domosdoshme për të trajtuar çështjet e shëndetit të njeriut.

Aftësia e EcoHealth për të përmirësuar shëndetin dhe mirëqenien e njerëzve, kafshëve dhe mjedisit ndikohet nga aftësia e kësaj fushe studimi për të identifikuar dhe integruar përcaktuesit e ndryshëm të shëndetit me qëllim trajtimin e shëndetit dhe mirëqenien e njerëzve, kafshëve dhe mjedisit. Kërkime të ndryshme mbështesin hendekun që identifikohet midis rëndësisë tek përcaktuesit e shëndetit dhe hezitimit që ndodh për t'i dhënë përparësi këtyre përcaktuesve, për të etiketuar termat dhe konceptet, si dhe një fokus në nevojat lokale të bazuara në komunitet. Ndërsa konsiderojmë një të ardhme me ndryshime të shpejta dhe të paqëndrueshme, identifikimi dhe integrimi i qartë i secilit prej përcaktuesve të shëndetit brenda EcoHealth dhe aplikimi i tyre tek njerëzit, kafshët dhe mjedisi është thelbësorë që komuniteti EcoHealth të arrijë qëllimet e tij dhe të veproj si një shembull për individë të ndryshëm që merren me probleme shëndetësore komplekse.