Komiteti Shqiptar i Studentëve të Mjekësisë (ACMS) është një organizatë rinore joqeveritare, e themeluar në vitin 2019 nga studentët e Fakultetit të Mjekësisë, Tiranë. Në të njëjtin vit, ACMS u anëtarësua si një NMO (Organizata Anëtare Kombëtare) në IFMSA, Federata Ndërkombëtare e Shoqatave të Studentëve të Mjekësisë, një federatë e përbërë nga organizata që përfaqësojnë më shumë se 120 vende në të gjithë botën. Në këtë mënyrë ACMS u bë i vetmi përfaqësues zyrtar i IFMSA në Shqipëri dhe që atëherë ka zbatuar misionin dhe vizionin, strukturën dhe politikën e IFMSA.
Gjatë dy viteve të të qënurit aktiv, ACMS, ka zbatuar një gamë të gjerë aktivitetesh me interes për studentët dhe të rinjtë e mjekësisë në Shqipëri dhe ka arritur me sukses të vazhdojë të jetë aktive, edhe gjatë pandemisë COVID-19. Nëpërmjet konferencave online, webinar-eve, workshop-eve dhe fushatave online, ACMS ka qenë vazhdimisht e pranishme tek studentët dhe po rritet vazhdimisht.
